தூரிகை

   அம்மா ! நாங்கள் ஊருக்கு வருகிறோம் எனும் தொலைபேசி ஒலி உனக்கு மாதா கோயில் மணியோசைதான். ·         எங்களின் வருகைச் செய்தி உன்னுடைய சுருங்கிப்போன இரத்த நாளங்களில் உருவாக்குமே பெரும் ஆழிப் பேரலையை . ·         தோட்டம் துறவுகள் தூய்மை பெறும் துப்பட்டிகள் நிறம் மாறும். தலையணைகள் புது வண்ணம் பெறும். ·         அடுக்களை களைகட்டும் அடிபம்பில் சுத்த நீரூறும். ·         கடைசி வீட்டு நாட்டுக்கோழி முதல் கசாப்புக்கடையின் கறியாடுவரை உன்னால் உறுதிசெய்யப்பட்டிருக்கும். ·         சிலவேளைகளில் காய்கூட கறியாய் ருசிக்கும் கைப்பக்குவம் உன்னுடையது. ·         அம்மா! நீ வாழ்ந்து எனைப் பெற்று வளர்த்த வளமான மண்ணைத் தொடும்போதெல்லாம் உன் நெஞ்சைத் தொடும் ஈரம் உணர்கிறேன். ·   ...

வெளையாட்டுக்காரி……….. ·          அடியே ! வெளையாட்டுக்காரி… ஒருநாள் பள்ளிக்கூடம் விட்ட ஒரு வெள்ளிக்கிழமையில் ஓர் ஒப்பந்தம் போட்டாய் நாளை விளையாடுவதென.. ·          கருக்கல் கழியுமுன்னே பாவாடை தடுக்கிவிழ விளையாட வாவென்று கூவி அழைத்த அந்த அறியாப்பேதை இன்று எங்கே? அலைபாயும் மனசு.. ·          கண்களைக் கட்டி என்னெதிரே நின்றுகொண்டு கண்டுபிடி,கண்டுபிடியெனக் கத்திய உன் குரலைக் கேட்டு உன்னைக் கைகளால் கட்டிப் பிடித்ததென் பாவமா? இப்போ கண் விழித்துக் காத்திருக்கேன், காததூரம் வரை உன்னைக் காணலியே! ·          வெளையாட்டுக்காரியே ! இப்படியான நம் உறவில் விதியொன்று வெளையாடிப் போனதால் நீ பெரிய மனுசியானாய். என் உறவுகளின் சதி சதுராடியது நான் ஏழை என்பதால். அன்புக்கு முன்னே சதியாவது, விதியாவது, இது இந்த ஊமையின் மொழியாகிப் போனது. ·       ...

பாட மறக்கும் பாட்டு……… அதிவிடியலில் ஒரு செய்தி துக்கத்தோடு! நண்பர் என்ற உரிமையில். நண்பர் அம்மாவின் மீது கொண்ட அன்பு அளவிடற்கரியது. ஆழ்கடல் அளவு. அந்த நேரமே அப்பாவின் நினைவுகள் அலையாய் மோதின. மாலையோடு சென்ற என்னை அழுது தழுவினார் நண்பர். ஆறுதல் கூறினேன் கண்ணீரால். கால் வலியெடுக்க ஆசனம் தேடி அமர்ந்து கண்களைச் சற்றே மூடி இரு கைகளால் துடைத்தபோது “ எம்மாடியோவ்”என்று பெருங்குரலெடுத்து அழுகுரல் வந்த திசை நோக்கிக் கண் திறந்தேன். மூன்று தலமுறைக்கு முந்தைய கிழவி ஒருவர் தரையைப் பிளப்பது போல் நெஞ்சிலும் தலையிலும் அடித்துக் கொண்டு அழுதார். வகை வகையாய் கதையெடுத்துக் கடந்த காலம் சொல்லி அழுதார். நினைவுகள் சற்றே பின்னோக்க அருக்காணி அக்கா கண்களில் வந்து போனாள். பேருந்து நுழையாத குக்கிராமம். தென்னை ஓலை வேய்ந்த வரிசை வீடுகள். இரவு நேரத்தில் அமைதியைக் கிழிக்கும் அருக்காணி அக்காவின் அழகிய குரல். குழந்தையைத் தூங்க வைக்கத் தொன்று தொட்டுப் பாடி வரும் தாலாட்டு. தால் + ஆட்டு =தாலாட்டு ...