இருள்..

காற்று 
சன்னலைத் திறந்து விட
நீண்டு ஒலிக்கிறது
ஒரு சில்வண்டின்
ரீங்காரம்..

வயிறு
நிறையாததன் வலியில்
ஈனமாக ஓலமிடும் 
நாய்களோடு
மனிதர்களும்…

தாயின் மார்பகம் தேடித்
தவிக்கும் குழந்தையாய்
படுக்க இடம் தேடும்
பாதசாரி..

பகலைக் குடித்து
இரவில் வீடு திரும்பும்
ஒரு கூலியின்
பழைய மிதிவண்டி
இரவினைத் தூங்க வைக்கத் 
தாலாட்டுப் பாடுகிறது …

கலைந்து போன 
காதலைக்
கண்ணீரால் கழுவும்
ஒரு துக்கத்தின் ராகம்
விசும்பலாக
தூரத்தில் 
விட்டு விட்டு
ஒலிக்கிறது….

பனிவாடைக் காற்றில்
பூத்த மரமல்லி
விட்டத்தின் வழியிறங்கி
வாசத்தால் போர்த்துகிறது 
சுகந்தப் போர்வையால்…

கடைசி வீட்டுச் சேவல்
நினைவூட்டிக்கொண்டே
இருக்கிறது…
இன்னும் 
உறங்கவில்லையென்றும்
ஏன் விடியவில்லையென்றும்

மதகின்வழி பாயும்
வெள்ளம் 
சுழித்துச் சென்று
ஹோவெனக் கூவும் 
பேரிரைச்சல்
துல்லியமாகக் காதில் விழ
மனம் இன்னும் கூர்மையாக !

நாளை வரும்
மகளுக்கான வரன்
குணமுடையதோ ?
குறையுடையதோ ?
சாதகம் சாதகமாகுமோ ?
எதிர்பார்ப்பு என்னவோ ?
ஏக்கம் நிரம்ப
தூக்கம் விடைபெற
மனைவி , மக்கள் ,
ஒவ்வொருவர் நெஞ்சங்களும்
நேர்த்திக் கடன்களைச்
செபங்களாக்கக்
இருள் கவ்விக் கிடக்கிறது 
இரவு ..

பலமாக அடிக்கும் 
காற்றில் 
கிறீச் கிறீச் எனச் 
சத்தம் எழுப்புகிறது ..
சுவற்றில் மாட்டப்பட்ட 
அப்பாவின் புகைப்படம்
மனசுக்கு ஆறுதல்..

இருள் பரவிய மனதில்
வெளிச்சம் 
விரைந்தோடுகிறது….
இருளை விரட்டி வருகிறது..
வண்டியில் பூட்டி
இலக்கு நோக்கிச் செல்லும்
வண்டிமாடுகளின்
கழுத்து மணியோசை…
Top of Form
Lik
Bottom of Form


Comments

  1. மணவைFriday, October 3, 2014 at 11:06:00 PM PDT

    ன்புள்ள அய்யா திரு.முனைவர் நா.சிவாஜிகபிலன் அவர்களுக்கு,

    வணக்கம். தங்களின் ‘இருள்..’கவிதை அருமை...

    ‘தாயின் மார்பகம் தேடித்
    தவிக்கும் குழந்தையாய்
    படுக்க இடம் தேடும்
    பாதசாரி.. ’
    நல்ல கற்பனை.
    விரைந்தோடுகிறது….


    இருளை விரட்டி வருகிறது..
    வண்டியில் பூட்டி
    இலக்கு நோக்கிச் செல்லும்
    வண்டிமாடுகளின்
    கழுத்து மணியோசை…
    மிக நன்றாக இருக்கிறது . அருமையான கவிதை. வாழ்த்துகள்.
    எனது ‘வலைப்பூ’ பக்கம் வந்து படித்துப் பார்த்து கருத்திடுமாறு அன்புடன் வேண்டுகிறேன்.
    நன்றி.
    -மாறாத அன்புடன்,
    மணவை ஜேம்ஸ்.
    manavaijamestamilpandit.blogspot.in

    ReplyDelete
  2. முனைவர் நா.சிவாஜிகபிலன்Tuesday, December 16, 2014 at 8:13:00 PM PST

    நன்றி அய்யா

    ReplyDelete

Post a Comment

Popular posts from this blog

தமிழிலக்கிய வினா - விடை 1000 ,அகர வரிசையில் வெளியிடப்பெற்ற முதல் நூல்

1.           செந்தமிழ் இதழ் தொடங்கிய ஆண்டு   - 1903 2.           செந்தாமரை நாவல் ஆசிரியர்   -  மு . வரதராசன் 3.           செம்பியன் தேவி நாவலாசிரியர்     -  கோவி . மணிசேகரன் 4.           செய்யுள்களைக் காவடிச் சிந்தில் பாடியவர்கள் – வள்ளலார் , அண்ணாமலை ரெட்டியார் 5.           செல்வத்துபயனே ஈதல் – நக்கீரர் – புறநானூறு 6.           சேக்கிழார் இயற்பெயர் – அருண்மொழித்தேவர் 7.           சேது நாடும் தமிழும் நூலாசிரியர் – ரா.இராகவையங்கார் 8.           சேயோன்   - முருகன் 9.           சேர அரசர்களைப் பாடும் சங்க நூல் –பதிற்றுப்பத்து 10. ...
Read more »

செம்மொழிக் கட்டுரை

           பொருட்பாலில் வள்ளுவர் கருத்தும் உரைகளின் பொருத்தப்பாடும் இக்கட்டுரையானது வள்ள்வரின் பொருட்பாலிலுள்ள குறட்பாக்களின் கருத்தையும் பல்வேறு அ றிஞர்களின் ரைகளின் பொருத்தப்பாடுகளையும் விளக்குவனவாக அமைகிறது. மணக்குடவர் பொருட்பாலாவது பொருளின் பகுதி என்று கொள்ளப்படும் பொருள் என்றது மக்களை உடைத்தாகிய நிலம் பகுதியாவது அந்நிலத்தை ஆளுதற்குரிய அரசரது தன்மையும் அவரது ஆளுதற்குச் செய்யும் திற்களும் அதற்குத் துணையான அமாத்தியர் இலக்கணமும், அவர் செய்யும் திறன்களும் அவ்விருவரானும் உண்டாக்கப்பட்ட நாடும் அரணும் பொருளும் படையும் ஆகிய இவற்றினது திறன்களும், அறம் பொருட்கும் பொருள் உடையார்க்கும் கேடுவரும் திறன்களும், அரசியலும், அமைச்சியலும், நட்பியலும் , துன்பவியலும், குடியியலும், என அடங்கும் என்கிறார்.  இதனுள் இறைமாட்சி முதலாக இடுக்கண்  அழியாமை ஈறாகக்கூறிய அதிகாரம் இருபத்தைந்தும் பெரும்பான்மையும் அரசர்க்கு உரியவாதலின் அரசியல் என்றும், அமைச்சு முதலாக அவையஞ்சாமை ஈறாகக் கூறிய அதிகாரம் பத்தும் பெரும்பான்மையும் அமைச்சர்க்கு உரியவாதலின் அமைச்சியல் ...
Read more »

தமிழிலக்கிய வினா - விடை 1000 ,அகரவரிசையில் வெளியிடப்பெற்ற முதல் நூல்

1.           புறநானூற்றின் பாவகை - ஆசிரியப்பா  2.           புறநானூற்றின் வேறு பெயர்கள் – புறப்பாட்டு,புறம்,புறம்புநானூறு 3.           புறநானூற்றைப் பாடிய புலவர்கள் எண்ணிக்கை -157 /160 4.           புறப் பாட்டு எனும் நூல் - புறநானூறு 5.           புறப்பொருள் வெண்பாமாலை ஆசிரியர் – ஐயனாரிதனார் 6.           புறப்பொருள் வெண்பாமாலை ஆதார நூல் – பன்னிருபடலம் 7.           புறப்பொருள் வெண்பாமாலையின் உரையாசிரியர் – சாமுண்டி தேவநாயகர் 8.           புறப்பொருளின் பாவகை - வெண்பா 9.           புறவீடு விடுதல் - குடை நிலை வஞ்சி 10.        புனர்ஜென்...
Read more »