இளைஞனே வா!

·        அறிவியல் உலகில் மனம்

அலைபாயும் மனிதா ? –

மடமையில் தோய்ந்தால்

அதை விலக்குதல் எளிதா ?.

·        கண்ணுக்கு எதிரே

கடலென நூல்கள்

மனம் புரட்டிட மறந்தால்

தொலைந்திடும் வாழ்நாள்.

·        காற்றிலே ஏறினாய்.

விண்ணையே தாண்டினாய்.

கடலினுள் மூழ்கியே

முத்தையே ஏந்தினாய்.

·        அத்தனை ஆற்றலும்

மொத்தமாய் உன்னிடம்.

குத்தகை எடுப்பதா ?

மடமைகள் நெஞ்சிடம்.

·        பல்லியைக் கண்டு நீ

புலி எனப் பதறலாம்.

தன்னினம் அழிவதைக்

காணாதிருக்கலாம்.

·        அச்சத்தில் வாழ்பவன்

ஆசைக்கு அடிமை.

ஆசையே வாழ்வானால்

அதுதான் கொடுமை.

·        மடமையே மனிதனுக்கு

மாபெரும் நஞ்சு.

அதை நீக்கிட அடைந்திடும்

நிம்மதியை நெஞ்சு .

·        பயில வா ! பயில வா !

பாடம் பல பயில வா.

நீக்க வா ! போக்க வா !

மடமையை நீக்க வா !